धादिङमा सोमबार थप एक जनामा कोरोना संक्रमण पुष्टि

धादिङ,२३ चैत ।
धादिङमा सोमबार थप एक जनामा कोरोना संक्रमण पुष्टि भएको छ । थप पुष्टि हुनेमा त्रिपुरासुन्दरी गाउँपालिकाका ३३ वर्षीय पुरुष रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनुभयो । सोमबार थप एकजनामा कोरोना पुुष्टि भएसँगै जिल्लामा सक्रिय केशको संख्या चार पुगेको छ । केहि समय अघि सक्रिय संक्रमितको संख्या शुन्य रहेको धादिङमा यसअघि धुनीबेशी नगरपालिकाको १, ज्वालामुखी, त्रिपुरासुन्दरी र गंगाजमुना गाउँपालिकाका १÷१ जनामा संक्रमण देखिएको थापाले जानकारी दिनुभयो । हालसम्म जिल्लाभर कोरोना संक्रमित हुनेको सङ्ख्या १ हजार ५ सय ४२ पुगेको छ । जम्मा संक्रमितहरु मध्ये ९ सय २० जनाको धादिङमा स्वाव संकलन गरि परिक्षणको लागि पठाईएको र बाँकी ६ सय २२ जनाको भने जिल्ला बाहिर गएर स्वाव परिक्षण गराउँदा पोजेटिभ देखिएको स्वास्थ्य कार्यालय धादिङले जनाएको हो । । आजसम्मको तथ्याङ्क अनुसार धादिङमा ६ हजार ४२१ जनाको पीसीआर विधि मार्फत कोरोना जाँच भएको छ । यस्तै अहिले सम्म कोरोना संक्रमण बाट मृत्यु हुनेको संख्या भने १७ रहेको छ ।