कुमारी बैंकको २० औ स्थापना दिवसमा शिव भगवती मन्दिर सरसफाई

धादिङ,२१ चैत ।
कुमारी बैंकको २० औ स्थापना दिवसको अबसरमा धादिङबेशीको शितल बजारमा रहेको शिव भगवती मन्दिरसरसफाई गरिएको छ । शनिबार कुमारी बैक धादिङ शाखाको आयोजनामा शिव भगवती मन्दिर सरसफाई गरिएको हो । सरसफाई कार्यक्रममा कुमारी बैंक धादिङ शाखाका म्यानेजर धन बहादुर श्रेष्ठले सरसफाई सामाग्री २ थान बकेट मन्दिर व्यवस्थापन समितिका अध्यक्ष भुपेन्द्र कुमार श्रेष्ठलाई हस्तान्तरण गर्नुभएको धादिङ सोसियल भोलेन्टियर नेपालका अध्यक्ष नारायण कुमार श्रेष्ठले जानकारी दिनुभयो । हरेक सहकारी, बैंक तथा संघसंस्थाहरुले आफ्नो संस्थाको स्थापना दिवसको अवसर पारेर आफ्नो टोल समुदायमा रहेका सार्वजनिक स्थलहरु्र सरसफाई गर्न सकियो भने वरपरका वातावरण स्वच्छ बन्न सक्ने कुमारी बैंक धादिङ शाखाका म्यानेजर धन बहादुर श्रेष्ठले बताउनु भएको थियो । त्यस्तै धादिङ सोसियल भोलेन्टियर नेपालका अध्यक्ष नारायण कुमार श्रेष्ठले सरसफाई कार्यक्रमले अहिलेका युवा पुस्ताहरुमा सकारात्मक सन्देश पुर्याउन मद्धत पुग्ने बताउनु भयो । कार्यक्रममा शिव भगवती मन्दिर ब्यबस्थापन समिति, शितल बजार टोल सुधार समिति र धादिङ सोसियल भोलेन्टियर नेपालको सकृय सहभागिता रहेको थियो ।