दलित विद्यार्थीलाई शिक्षा निःशुल्क गर्न माग गर्दै नगरप्रमुख ढुङ्गानालाई ज्ञापन पत्र

ज्ञापनपत्र बुझ्दै मेयर भिम प्रसाद ढुङ्गाना

धादिङ, ०८, चैत्र
नीलकण्ठ माध्यमिक विद्यालयमा कक्षा १२ सम्मको पढाइ निःशुल्क गर्न माग गर्दैै नीलकण्ठ नगरपालिकाका प्रमुख भिमप्रसाद ढुङगानालाई १२ बुँदे माग सहित ज्ञापन पत्र बुझाइएको छ ।

संविधानमा लेखिएको दलित समुदायको अधिकार कार्यन्वयन र स्थानीय सरकार मार्फत दलित समुदायको अधिकार एवं विकासलाई संबोधन गर्नका लागि नगर प्रमुख ढुङ्गानालाई ज्ञापन पत्र बुझाइएको हो ।

विज्ञप्तीमा दलित विद्यार्थीहरुलाई निःशुल्क शिक्षाका साथै दलित समुदायद्धारा सञ्चालित उद्योग कलकारखानालाई प्रोत्साहन गर्न निःशुल्क दर्तासहित विशेष अनुदानको व्यवस्था गर्न समेत माग गरिएको छ ।

ज्ञापन पत्र बुझ्दै मेयर ढुङ्गानाले कार्यपालिका बैठकमा छलफल गर्ने बताउनु भयो । विगत केही दिनबाट दलित विद्यार्थीहरुले निःशुल्क शिक्षाको माग गर्दै नीलकण्ठ माध्यमिक विद्यालयमा आन्दोलन गरिरहेका छन् ।