धादिङ सल्यानटारमा जिउदै महिलालाई खाल्डोमा पुर्ने डोजर चालक पक्राउ

धादिङ ०६ चैत्र
सल्यानटार धादिङमा गत फागुन १७ गते डोजरको ठक्करबाट घाइते महिलालाई जिउदै खाल्टोमा पुरेर फरार रहेका डोजर चालक भिम बहादुर बुढाथोकी पक्राउ परेका छन् । केन्द्रीय अनुसन्धान ब्युरो(सिआइबीले उनलाई कञ्चनपुरस्थित नेपाल–भारत सीमा क्षेत्रको गड्डाचौकीबाट भारत तर्फ भाग्दै गर्दा पक्राउ गरेको हो । उनी घटना लगतै भारतको हरिद्धार क्षेत्रमा लुकेर बसेको अनुसन्धानको क्रममा पुष्टी भएको छ । शुक्रबार दिउँसो २ बजे ब्युरोले पत्रकार सम्मेलन गरी पक्राउ परेका चालक बुढाथोकीलाई सार्वजनिक गरेको हो । उनलाई धादिङ बुझाएर ज्यान सम्बन्धी कसूरमा विस्तृत अनुसन्धान हुने प्रहरीले जनाएको छ । त्रिपुरासुन्दरी गाउँपालिका वडा नं. १ खोल्सीमा सडक निर्माणको क्रममा स्थानीय ४५ वर्षीय सरस्वती कुमाललाई स्काभेटरले ठक्कर दिएर घाइते बनाएको थियो । घाइते कुमाललाई स्काभेटर चालक रहेका बुढाथोकीले जिउदै खाडलमा पुरेका थिए ।