हिलेपोखरी आधारभूत विद्यालय फूलखर्कको ३१ औँ वार्षिकोत्सव तथा अभिभावक दिवस सम्पन्न

धादिङ ०१ चैत्र
हिलेपोखरी आधारभूत विद्यालय गंगाजमुना ५ फूलखर्कको ३१ औँ वार्षिकोत्सव तथा अभिभावक दिवस कार्यक्रम सम्पन्न भएको छ । विद्यालय व्यवस्थापन समितिका अध्यक्ष रामशरण थापाको अध्यक्षतामा भएको कार्यक्रममा गंगाजमुना गाउँपालिका वडा नम्बर ५ का वडा अध्यक्ष रामचन्द्र अधिकारीको प्रमूख आतिथ्यता तथा मण्डली भूपु क्लवका अध्यक्ष अर्जुन सिंखडाको विशेष आतिथ्यता रहेको थियो । कार्यक्रममा मण्डली माध्यमिक विद्याललयका शिक्षक तथा नेपाल रेडक्रस सोसाइटी फूलखर्क उपशाखाका सभापति यम बहादुर बानियाँ लगायत छिमेकी विद्यालयका प्रधानाध्यापक तथा शिक्षक प्रतिनिधि, विभिन्न संघसंस्थाको प्रमूख तथा प्रतिनिधि, पूर्व विद्यालय व्यवस्थापन समितिका अध्यक्षहरु, शिक्षक तथा अभिभावकको उपस्थिति रहेको थियो ।
कार्यक्रममा विद्यालयको शैक्षिक तथा आर्थिक प्रतिवेदन विद्यालयका प्रधानाध्यापक चुडाविक्रम सिंखडाले प्रस्तुत गर्नुभएको थियो । कार्यक्रमकै अवसरमा मण्डली भू पु क्लव, यम बहादुर बानियाँ र उत्तर बहादुर भुजेलले स्थापना गर्नुभएको अक्षयकोषबाट विद्यालयका गरिब तथा जेहेन्दार विद्याथीृहरुलाई पुरस्कृत पनि गरिएको थियो । यस्तै फाल्गुण २८ गतेदेखि सुरु गरिएको विभिन्न खेलकुद तथा अतिरक्त क्रियाकलापहरुको पुरस्कार वितरण पनि गरिएको थियो ।