समाजसेवी सितलचन्द्र धरेलद्धारा जनज्योति आवि सुकौरा धादिङलाई आर्थिक तथा शैक्षिक सामग्री सहयोग

धादिङ ०१ चैत्र
प्रशान्त ढउन्या
स्थानिय समाजसेवी तथा पाथ नेपालका अध्यक्ष शितल चन्द्र धरेलले धादिङको त्रिपुरा सुन्दरी गाउँपालिका वडा नं. ७ सुकौरामा रहेको जनज्योति आधारभूत विद्यालयलाई कम्प्युटर, साउन्ड सिस्टम लगायत स्वास्थ्य सामग्री सहयोग गर्नुभएको छ । आइतबार एक कार्यक्रमका बिच समाजसेवी धरेलले विद्यालयलाई ५ थान कम्प्युटर, १ थान साउन्ड सिस्टम, फेस मास्क २ सय थानका साथै विद्यालयलाई नगद रु १ लाख हस्तान्तरण गर्नुभएको विद्यालय व्यवस्थापन समिति अध्यक्ष वसन्त दनैले जानकारी दिनुभयो । विद्यालयलाई सहयोग गर्दै धरेलले आगामी दिनहरुमा पनि निरन्तर सहयोग गर्दै जाने प्रतिबद्धता जनाउनु भयो ।