हिमाल बचत सहकारीको २० औं स्थापना दिवसको अवसरमा ४६ जनाले गरे रक्तदान

धादिङ २९ फाल्गुण
हिमाल बचत तथा ऋण सहकारी संस्था लिमिटेडको २० औं स्थापना दिवसको अवसरमा ४६ जनाले रक्तदान गरेका छन् । शनिबार नीकलण्ठ क्याम्पस चोक धादिङबेशीमा सम्पन्न भएको रक्तदान कार्यक्रममा ९ जना महिला र ३७ जना पुरुष गरी जम्मा ४६ जनाले रक्तदान गरेको नेपाल रेडक्रस सोसाईटी धादिङ शाखाका उपमन्त्री नारायण कुमार श्रेष्ठले जानकारी दिनुभयो । कार्यक्रम हिमाल बचत तथा ऋण सहकारी संस्था लिमिटेडको आयोजना तथा नेपाल रेडक्रस सोसाईटी रक्तसञ्चार सेवा केन्द्र धादिङको प्राविधिक सहयोगमा सम्पन्न भएको थियो । विभिन्न मेला, महोत्सव, संस्थाको वार्षिक साधारण सभा लगायतका कार्यक्रमहरुमा रक्तदान कार्यक्रम संचालन गर्दै आएको नेपाल रेडक्रस सोसाईटी रक्तसञ्चार सेवा केन्द्र धादिङले श्रावण १ गतेदेखि फागुन २९ गतेसम्ममा २ हजार १ सय ७३ पिन्ट रगत संकलन भएको श्रेष्ठले जानकारी दिनुभयो ।