धादिङमा प्रशासनिक खोज सम्बन्धी तीन दिने तालिम सुरु

धादिङ,२९ फागुन।
धादिङमा प्रशासनिक खोज सम्बन्धी तीन दिने तालिम शनिबार देखि सुरु भएको छ । आसमान नेपालको आयोजना तथा युएसओ को सहयोगमा उक्त तालिम सुरु गरिएको हो । धादिङको विभिन्न १३ वटा विद्यालयका १९ जना शिक्षक तथा शिक्षिकाहरुको सहभागिता रहेको तालिमको बागमती प्रदेश गैसस महासंघका अध्यक्ष दामोदर अर्यालले सहजिकरण गर्नुभएको थियो । शनिबार देखि सुरु भएको तालिम चैत १ गते समापन हुने आसमान नेपालका लैङिगक अधिकृत उषा वि.क ले जानकारी दिनुभयो ।