धादिङमा नेकपा(माओवादी केन्द्र)को सम्पर्क कार्यालय स्थापना

धादिङ २६ फाल्गुण
नेपाल कम्युनिष्ट पार्टी(माओवादी केन्द्र) धादिङको सम्पर्क कार्यालय उद्घाटन गरिएको छ । बुधबार एक कार्यक्रमका बिच धादिङबेसीको पुछारबजारमा कार्यालयको उद्घाटन गरिएको हो । उद्घाटन कार्यक्रमका माओवादी केन्द्र धादिङका अध्यक्ष सालिकराम जम्कट्टेल, सचिव विजय बुर्लाकोटी, नेताहरु मनराज भण्डारी, दिपक लामिछाने, चन्द्र बहादुर सिलवाल, दिपक विश्वकर्मा लगायत नेता कार्यकर्ताको बाक्लो उपस्थिति रहेको थियो । नेकपा(माओवादी केन्द्र) र नेकपा एमालेबिच २०७५ साल जेष्ठ ३ गते एकता भएपछि नेपाल कम्युनिष्ट पार्टी(ने क पा) बनेको थियो । एकतासँगसँगै पार्टीभित्र झाङ्गिदै गएको अन्तरसघंर्ष र सर्वोच्च अदालतले नेकपाको आधिकारिकता ऋषि कट्टेल नेतृत्वको पार्टीलाई दिएपछि औपचारिक रुपमा दुई पार्टी अलग भएका हुन् ।