धादिङबेशीमा भएको महिला मैत्रीपूर्ण फुटबल प्रतियोगिताको उपाधि ज्योती महिला सहकारीलाई

धादिङ २४ फाल्गुण
अन्तराष्ट्रिय श्रमिक महिला दिवसको अवसरमा धादिङबेशीमा आयोजना गरिएको महिला मैत्रीपूर्ण फुटबल प्रतियोगितामा ज्योती महिला विकास सहकारीले उपाधि हात पारेको छ । सोमबार सम्पन्न भएको उक्त फुटबल प्रतियोगितामा नागरिक समाज धादिङ द्धितीय, नीलकण्ठ नगरपालिका र मण्डली महिला विकास बहुउद्धेश्य सहकारी तृतीय हुन सफल भएको छ । प्रतियोगितामा प्रथम र द्धितीय हुन सफल प्रतियोगिहरुलाई रु. ७ हजार, ५ हजार नगद, मेडल र प्रमाण पत्र प्रदान गरिएको छ भने तृतीय हुने प्रतियोगिहरुलाई प्रमाणपत्र र मेडल प्रदान गरिएको छ । सोमबार नीलकण्ठ नगरपालिकाको आयोजना, युएसएआईडी, सुआहारा, हिमाल महिला उत्थान समाज धादिङ, परिर्वतनका लागि महिला मञ्च लगाएतको सहयोगमा उक्त फुटबल प्रतियोगिता संचालन गरिएको थियो ।