१११ औं अन्तराष्ट्रिय महिला दिवसको अवसरमा तेक्वान्दो छात्रा पुम्से प्रतियोगिता सम्पन्न

धादिङ २४ फाल्गुण
१११ औं महिला दिवसको अवसरमा धादिङबेसीमा राष्ट्रिय तेक्वान्दो संघ अन्तर्गतको तेक्वान्दो छात्रा पुम्से प्रतियोगिता सम्पन्न भएको छ । सोमबार भएको प्रतियगितामा प्याट्रन १ अन्तरगतको ,१० वर्ष मुनिको विधामा प्रथम एन्जल राई, द्धितीय सोनु थापा मगर र तृतीय रुखा तामाङ र प्रसंसा सिंजाली भएका छन्् । त्यसैगरी १० वर्ष भन्दा माथिको प्याट्रन १ मा प्रथम आराधना श्रेष्ठ, द्धितीय सन्ध्या तामाङ तृतीय स्टार तामाङ र इरा श्रेष्ठ, प्याट्रन ३ मा प्रथमसंज्ञा शर्मा, द्धितीय रुबिना घले तृतीय मञ्जु घले र अन्जु घले भएका छन् । यस्तै प्याट्रन ८ मा प्रथम एलिसा तामाङ द्धितीय अञ्जना गुरुङ तृतीय खुस्बु तामाङ र मिरियम तामाङ भएका हुन् । जिल्ला खेलकुद विकास समितिका अध्यक्ष प्रताप सिंह तामाङको प्रमुख आतिथ्यतामा भएको प्रतियोगिता मारियम तामाङको सभापतित्व रहेको थियो भने उक्त कार्यक्रमको आयोजना मा फ्यूवा फिटनेसले गरेको थियो ।