१११ औं अन्तराष्ट्रिय महिला दिवसको अवसरमा धादिङमा ९३ जनाले गरे रक्तदान

धादिङ २४ फाल्गुण
शिवज्योति महिला बचत तथा ऋण सहकारी संस्था लिमिटेडले १११ औं अन्तराष्ट्रिय महिला दिवसको अवसरमा आयोजना गरेको रक्तदान कार्यक्रममा ९३ जनाले रक्तदान गरेका छन् । महिलाको सुरक्षा सम्मान र रोजगार, समृद्ध नेपालको आधार भन्ने मूल नाराका साथ सम्पन्न भएको कार्यक्रममा ३६ जना महिला र ५७ जना पुरुष गरी ९३ जनाले रक्तदान गरेको नेपाल रेडक्रस सोसाईटी धादिङ शाखाका उपमन्त्री नारायण कुमार श्रेष्ठले जानकारी दिनुभयो । रक्तदान कार्यक्रममा नेपाल रेडक्रस सोसाईटी रक्त सञ्चार सेवा केन्द्र धादिङको प्राविधिक सहयोग रहेको थियो ।