सुकौराबेसी टोल सुधार समिति नीलकण्ठ ७ धादिङको आयोजनामा सार्वजनिक स्थल सरसफाई

धादिङ २२ फाल्गुण
धादिङको नीलकण्ठ नगरपालिका वडा नम्बर ७ स्थित सुकौराबेशी टोलसुधार समितिले मासिक कार्यक्रम अन्तर्गत शनिबार सार्बजनिक स्थल बाटो घाटो, मन्दिर, सामुदायिक भबन सरसफाइ र बोटबिरुवा गोडमेल कार्यक्रम सम्पन्न गरेको छ । सुकौराबेसी टोलसुधार समितिको नेतृत्वमा सम्पन्न उक्त सरसफाइ कार्यक्रममा समुदायका १५ भन्दा बढी युवा तथा जनसमुदायको सहभागिता रहेको थियो। । “सबै मिली अघि बढौ सुन्दर समाज निर्माण गरौ” भन्ने अभियान सहित सहभागी उक्त समितिले तत्काल समुदाय भित्र मौसम अनुसार आइपर्नसक्ने प्राकृतिक दुर्घटनाहरु जस्तैः आगलागी, हुरीबतास लगायतलाई मध्यनजर गर्दै त्यस्तो दुर्घटनाबाट हुनसक्ने क्षती, बच्ने उपाय र सुरक्षा तयारीका लागि जनसमुदायलाई सचेत गराउने र समुदायभित्र रहेको बेथिति, बेभिचारविरुद्ध नया ढंगले अगाडि बढ्न स्थानीय समुदायलाई प्रशिक्षित समेत गरेको छ । टोलसुधार समितिले केही महिना अगाडिदेखि समुदायमा नियमित सरसफाइ, सास्कृतिक कार्यक्रम, खेलकुद कार्यक्रम लगायत विभिन्न कार्यक्रम गर्दै आएको छ भने मन्दिर र सामुदायिक भवनमा भर्खरै टोलसुधार समितिले बिजुलीबत्ती जडान लगायतका कार्यक्रमहरु समेत गर्दै आएको छ ।