घाटबेसी धादिङमा २७ किलो चरेस सहित १ जना पक्राउ, २ जना फरार

धादिङ १८ फाल्गुण
इलाका प्रहरी कार्यालय गजुरी, धादिङले २७ किलो चार सय ग्राम चरेशसहित १ जना शंकास्पद व्यक्तिलाई मङ्गलबार बिहान पक्राउ गरेको छ । गजुरी गाउँपालिका वडा नं. ५ घाटबेशी नजिकै पृथ्बी राजमार्ग छेउमा अबैध रुपमा लागु औषध चरेश खरिद कारोवार भईरहेको भन्ने बिशेष सूचनाको आधारमा प्रहरी निरीक्षक भोजराज पाण्डेयको कमाण्डमा खटिएको टोलीले बिहान ७ बजेतिर १ जना व्यक्ति सहित २७ किलो ४ सय ग्राम चरेस बरामद गरेको हो । कालो झोला बोकेर हिँडिरहेका सङ्कास्पद तीन युवालाई प्रहरीले सोधपुछ गर्न थालेपछि झोला फालेर उनीहरु भागेका थिए । भागेका तीन जनामध्ये गजुरी गाउँपालिका वडा नम्बर ४ स्थायी बसोबास गर्दै आएका २३ वर्षीय राजकुमार चेपाङलाई पक्राउ गरिएको हो । अन्य तीन जना भने फरार रहेका छन । झोलामा पहेँलो टेपले बेरिएको कालो झोलामा २७ किलो ४ सय ग्राम चरेश फेला परेको हो । पक्राउ परेका राजकुमार चेपाङलाई जिल्ला अदालत धादिङबाट ५ दिने म्याद थप गरेर अनुसन्धान भैरहेको छ ।