मैदी अमराईको मुडुलेमा बोलेरो दुर्घटना हुँदा तीन जना घाईते

धादिङ,१८ फागुन ।
धादिङको ज्वालामुखी गाउँपालिका वडा नम्बर ३ स्थित मुडुलेमा सोमबार राती बोलेरो दुर्घटना हुँदा तीन जना घाईते भएका छन् । धादिङबेशी बाट मैदी तर्फ जाँदै गरेको बा १३ च ५२३० नम्बरको बोलेरो गाडी राती साँढे नौ बजेतिर पल्टदा तीन जना घाइते भएको जिल्ला प्रहरी कार्यालय धादिङले जनाएको छ ।  उक्त सवारी चालकले मापसे गरेको कारणले गर्दा दुर्घटना भएको वडा नम्बर ३ का वडा अध्यक्ष रुद्रमान श्रेष्ठले  बताउनु भयो । दुर्घटनामा परि घाईते भएका तीन जना मध्ये दुई जनालाई भने जिल्ला अस्पताल धादिङमा उपचारको लागि ल्याईएको श्रेष्ठले जानकारी दिनुभयो । अहिले घाईते भएका तीनै जनाको अवस्था सामान्य रहेको श्रेष्ठले बताउनु भयो ।