धादिङ जिल्ला स्तरीय टि २० क्रिकेट प्रतियोगिताको उपाधि धादिङ समाज धादिङलाई

धादिङ, १० फागुन ।
चन्द्रोदय माध्यामिक विद्यालय विशालटार धादिङमा जारी धादिङ जिल्ला स्तरीय टी २० क्रिकेट प्रतियोगितामा धादिङ समाज धादिङ नीलकण्ठले प्रथम उपाधि हात पारेको छ । सोमबार भएको फाईनल खेलमा त्रिपुरासुन्दरी क्रिकेट क्लवलाई हराउँदै धादिङ समाज धादिङ नीलकण्ठले प्रथम उपाधि हात पारेको हो । फाईनल खेल सोमबार (आज) १० गते दिउँसो १२ बजे देखि सुरु भएको थियो । प्रतियोगितामा प्रथम र द्धितीय हुने टिमलाई क्रमशः नगद रु २५ हजार, १५ हजार, सिल्ड, मेडल र प्रमाणपत्रका साथै उत्कृष्ठ बलर, उत्कृष्ठ ब्याट्सम्यान, उत्कृष्ठ खेलाडीलाई जनही रु. ५ हजार र प्रशंसा पत्र प्रदान गरिएको छ ।