धादिङको पाल्पा भञ्ज्याङमा बस दुर्घटना हुदाँँ ८ जना घाईते

धादिङ,०६ फागुन ।
धादिङको नीलकण्ठ नगरपालिका वडा नं ९ स्थित पाल्पा भञ्ज्याङमा बस दुर्घटना हुदा ८ जना घाईते भएका छन् । बिहिबार ज्वालामुखी गाउँपालिका ६ स्थित सुनखानीबाट काठमाडौँ जाँदै गरेको बा ४ ख ४१५२ नम्बरको बस अनियन्त्रित भई बिच सडकमा पल्टिदा ८ जना घाईते भएको जिल्ला प्रहरी कार्यालय धादिङले जनाएको छ ।
घाईते हुनेहरुमा ज्वालामुखी-७ की ८४ बर्षिया हरिमाया गुरुङ, ज्वालामुखी-६ का २२ बर्षिय बिकास श्रेष्ठ, सोही स्थानका २२ बर्षिय रिदम नगरकोटी, ५६ बर्षिय यम श्रेष्ठ, ३७ बर्षिय लक्ष्मी गुरुङ, १५ बर्षिय अनन्य लिम्बु, नीलकण्ठ-११ की १७ बर्षिय सिमा मानन्धर र सोही स्थानकी ४३ बर्षिय सिता मानन्धर रहेको धादिङ अस्पताल धादिङका सूचना अधिकारी विक्रम वि.क ले जानकारी दिनुभयो । घाइतेमध्ये ज्वालामुखी-६ का २२ बर्षिय रिदम नगरकोटीलाई थप उपचारको लागि काठमाडौँ स्थित ट्रमा सेन्टर रिफर गरिएको वि.कले बताउनुभएको छ । अन्य घाइतेहरुको भने जिल्ला अस्पताल धादिङमा उपचार भईरहेको छ ।