२६ औँ जनयुद्ध दिवसको अवसरमा धादिङमा १ सय ६ जनाले रक्तदान गरे

धादिङ ०१ फागुन
२६ औँ जनयुद्ध दिवसको अवसरमा धादिङवेसीमा भएको बृहत खुल्ला रक्तदान कार्यक्रममा ८० जना पुरुष र २६ जना महिला सहित १ सय ६ जनाले रक्तदान गरेका छन् । नेपाल कम्युनिष्ट पार्टी नेकपा धादिङको आयोजना र नेपाल रेडक्रस सोसाइटी रक्त सञ्चार सेवाकेन्द्र धादिङको प्राबिधिक सहयोगमा भएको रक्तदान कार्यक्रम जिल्ला अस्पतालको प्राङ्गणमा भएको थियो । नेकपा धादिङका सचिव विजय बुर्लाकोटीले कार्यक्रमको उद्घाटन गर्नुभएको थियो । यसै गरी नेपाल रेडक्रस सोसाइटी किरान्चोक उपशाखाको ७ औँ वार्षिक साधारण सभाको अवसरमा धादिङको किरान्चोकमा भएको रक्तदानमा २६ जनाले रगत दान गरेका छन् ।