धादिङको थाक्रेमा दुर्घटनासँगै आगलागी हुँदा मोटरसाइकलमा सवार २ जनाको मृत्यु

धादिङ माघ २९
पृथ्वी राजमार्ग अन्तर्गत धादिङको थाक्रे गाउँपालिका वडा नम्बर ८ को चार किला एभरेष्ट पम्प नजिकै  मोटर साईकल दुर्घटनामा परि आगलागी हुँदा २ जनाको घटनास्थलमै मृत्यु भएको छ । मृत्यु हुनेमा नीलकण्ठ नगरपालिका वडा नं. ३ का मोटरसाइकलमा सवार  बलराम अधिकारी र  उनका छोरा डा. सुरेश अधिकारी रहेको इलाका प्रहरी कार्यालय खानीखोलाका प्रहरी निरिक्षक रुपा थापाले जानकारी दिनुभयो । गल्छीतर्फबाट काठमाडौँतर्फ जादै गरेको प्र ३ ०२ ००९प ८२३० नम्बरको मोटरसाइकल विपरित दिशाबाट आउदै गरेको ना १ क ६५४७ नम्बरको टकसँग ठोक्किएर अनियन्त्रि भई दुर्घटना भएको र एक्कासी आगलागी हुँदा मोटरसाइकलमा सवार दुबै जनाको मृत्यु भएको इलाका प्रहरी कार्यालय खानिखोलाले जानकारी दिएको छ ।
तस्बिर : धादिङ पोष्ट