धादिङका नीलकण्ठ बहुमुखी क्याम्पसमा भएको निबन्ध लेखन प्रतियोगितामा संगिता विश्वकर्मा प्रथम

धादिङ,२६ माघ ।
धादिङबेशीको नीलकण्ठ बहुमुखी क्याम्पसमा निबन्ध लेखन प्रतियोगिता सम्पन्न भएको छ । सोमबार नीलकण्ठ बहुमुखी क्याम्पसमा सम्पन्न भएको प्रतियोगिता अन्र्तगत नेपाली  निबन्ध लेखनमा संगिता विश्वकर्मा प्रथम, अमर गुरुङ द्धितीय र प्रकाश भारती तृतीय हुन सफल भएको नीलकण्ठ बहुमुखी क्याम्पसका उप प्राध्यापक नवराज सापकोटाले जानकारी दिनुभयो । त्यस्तै अंग्रेजी निबन्ध लेखन तर्फ रोजन श्रेष्ठ प्रथम, डेविट तामाङ द्धितीय र अमरसिंह तामाङ तृतीय भएका छन् । कोभिड १९ को कारणले गर्दा क्याम्पसमा कुनै पनि अतिरिक्त क्रियाकलापहरु गर्न नसकिएको र अहिले उक्त समसामयिक विषयमा आधारित रहेर निबन्ध प्रतियोगिता गरेको सापकोटाले बताउनु भएको छ । नेपाली निबन्ध लेखन तर्फ १७ जना र अंग्रेजी निबन्ध लेखन तर्फ ७ जनाले सहभागिता जनाएका थिए ।