मैदी अमराईमा आइचर दुर्घटना हुँदा ६ जना घाइते

धादिङ,२५ माघ ।
धादिङको ज्वालामुखी गाउँपालिका वडा नम्बर ३ स्थित अमराईमा आइचर दुर्घटना हुँदा ६ जना घाइते भएका छन् । आईतबार दिउँसो मैदी सातदोवाटोबाट धादिङबेसि तर्फ आउँदै बा ५ ख ६३२४ को निलो आइचर गाडी पल्टिँदा ड्राइभर सहित ६ जना घाइते भएका हुन् । आइचरको ब्रेक फेल भई अमराई ढलेको वर भन्दा केही तल साखा सडकको बेलडाँडा भन्ने ठाउँमा आइचर पल्टिएको स्थानीय कृष्ण केसीले जानाकारी दिनुभएको छ । स्थानीयवासिहरुले घाईतेहरुको उद्धार गरि उपचारको लागि धादिङ अस्पतालमा ल्याइएको प्रहरीले जनाएको छ ।