रेडक्रस धुषा उप–शाखाको २० औं वार्षिक साधारण सभामा ५९ जनाले गरे रक्तदान

धादिङ, २४ माघ
नेपाल रेडक्रस सोसाईटी धुषा उप–शाखाको २० औं वार्षिक साधारण सभाको अवसरमा वृहत खुल्ला रक्तदान कार्यक्रम सम्पन्न भएको छ । शनिबार सम्पन्न भएको रक्तदान कार्यक्रममा १२ जना महिला र ४७ जना पुरुष गरी जम्मा ५९ जनाले रक्तदान गरेको नेपाल रेडक्रस सोसाईटी धादिङ जिल्ला शाखाका उपमन्त्री नारायण कुमार श्रेष्ठले जानकारी दिनुभयो । नेपाल रेडक्रस सोसाईटी धुषा उप–शाखाको आयोजना, नेपाल रेडक्रस सोसाईटी रक्तसञ्चार सेवा केन्द्र धादिङको प्राविधिक सहयोग र चरौदी समाज सुधार युवा क्लबको सह आयोजनामा बुद्धी विकास आधारभूत विद्यालय, वेनिघाट रोराङ ७ चरौदी बजारमा रक्तदान कार्यक्रम सम्पन्न भएको हो । नेपाल रेडक्रस सोसाईटी रक्तसञ्चार सेवा केन्द्र धादिङले रगतको अभावलाई कम गर्ने उद्धेश्यले विभिन्न मेला, महोत्सव लगाएतका कार्यक्रमहरुमा रक्तदान कार्यक्रम गर्दै आएको छ ।