गणतन्त्र दिवसको अवसरमा धादिङमा विभिन्न कार्यक्रम

धादिङ जेष्ठ १५
गणतन्त्र दिवसको अवसरमा बुधबार धादिङबेसीमा विभिन्न कार्यक्रमको आयोजना गरिएको छ । गणतन्त्र दिवस जिल्ला समारोह समितिको आयोजनामा बिहानी पुछारबजारबाट प्रभातफेरी कार्यत्रमको आयोजना गरिएको थियो । मूल समारोह समितिका संयोजक एवं जिल्ला समन्वय समिति धादिङका प्रमुख जगन्नाथ नेपाल, नीलकण्ठ नगरपालिकाका उपमेयर मनराज भण्डारी, प्रहरी प्रमुख, जिल्लास्थिति विभिन्न सरकारी कार्यालयका प्रमुख प्रतिनिधि, प्रहरी लगायत स्थानीय नागरिकहरुको सहभागिता रहेकोव प्रभातफेरी पुछारबजारबाट सुरु भै सिरानबजार पुगेर जिल्ला समन्वय समितिको भवनमा समापन गरिएको थियो ।

यस्तै धादिङ उद्योग वाणिज्य संघको आयोजना तथा धादिङ सोसियल भोलिन्टियर, नीलकण्ठ नगरपालिका, जिल्ला प्रहरी कार्यालय र टोल सुधार समितिको अगुवाइमा जिल्लाको पुछारबजारमा रहेको थोपल र आँसीखोलाको सङ्गममा पर्ने मरणघाट सरसफाइ गरिएको थियो ।