धादिङका एकजना सहित लागूऔषध पोल्याण्ड कोरोबारमा चारजना पक्राउ

धादिङ,२१ माघ ।
काठमाडौंबाट प्रहरीले लागु औषध पोल्याण्ड सहित चारजनालाई पक्राउ गरेको छ । मंगलबार काठमाडौंको गौरीघाट क्षेत्रमा लागूऔषधको कारोबार भइरहेको भन्ने सूचनाको आधारमा ३ केजी लागूऔषध सहित महानगरीय प्रहरी वृत्त गौशालाबाट खटिएको टोलीले चारजनालाई गरेको हो ।उनीहरुको साथबाट नगद २० हजार २ सय ५० र प्र-०२-०१७ प ७९५० नम्बरको मोटरसाइकल समेत बरामद गरिएको काठमाडौका प्रहरी नायव उपरीक्षक रमेश कुमार बस्नेतले जानकारी दिनुभएको छ । पक्राउ पर्नेहरुमा धादिङको गल्छी घर भई हाल सतुङ्गल बस्दैआएका ३१ वर्षीय राजु अधिकारी, काठमाडौंको गौरीघाट बस्ने ४० वर्षीय अम्मर बर्देवा, सिन्धुलीको बेलबारी घर भई महाराजगञ्ज बस्ने २३ वर्षीया सबिना कार्की र मकवानपुर घर भई हाल थानकोट बस्ने ४२ वर्षीय कालु गोले रहेका छन् ।