धादिङमा दुईवटा ट्रक एकआपसमा ठोक्किँदा दुई जनाको मृत्यु, २ गम्भिर घाईते

धादिङ १९ माघ
धादिङको थाक्रे गाउँपालिका २ स्थित कोइरालेमा रोकि राखेको ट्रकमा अर्को ट्रक ठोक्किँदा दुई जनाको ज्यान गएको छ । मुग्लिङबाट काठमाडौं जाँदै गरेको लु २ ख २७० नम्बरको ट्रकले बिग्रेर रोकिराखेको ना ६ ख ६४६५ नम्बरको ट्रकमा पछाडिबाट ठक्कर दिँदा दुर्घटना भएको इलाका प्रहरी कार्यलय गजुरीका प्रहरी निरीक्षक भोजराज पाण्डेले जानकारी दिनुभयो । दुर्घटनामा परी ट्रकका सहचालक संखुवासभा घर भएका किरण कार्की र ट्रकमा सवार बर्दियाका सानोसुकी गाउँपालिका वडा नम्बर ९ का किरण प्रताप गुरुङ्गको मृत्यु भएको छ । दुर्घटनामा परि लु २ ख २७० नम्बरको ट्रकका चालक नवलपरासीको सुनवाल नगरपालिका वडा नम्बर ६ का लिलाराम अधिकारी र बाराको करैया गाउँपालिका वडा नम्बर ४ बस्ने कमल शाह गम्भीर घाइते भएका छन् । उनीहरुलाई स्थानीय र प्रहरीले उद्धार गरि राती नै उपचारको लागि काठमाडौं स्थित ट्रमा सेन्टरमा पठाइएको प्रहरीले जानकारी दिएको छ । मृतक दुवैको शव भने पोष्टमार्टमको लागि गजुरी स्थित प्राथमिक स्वास्थ्य चौकीमा राखिएको छ।