भिमसेनथापा गाउँपालिकामा अनुदानमा कृषि सामाग्री एवं उत्कृष्ट कोदो उत्पादक कृषकहरुलाई अनुदान रकम वितरण

धादिङ १२ माघ
गोर्खाको भिमसेनथापा गाउँपालिकामा अनुदानमा कृषि सामाग्री एवं उत्कृष्ट कोदो उत्पादक कृषकहरुलाई अनुदान रकम वितरण गरिएको छ । सोमबार भिमसेनथापा गाउँपालिकाको आर्थिक वर्ष २०७७/०७८ को वार्षिक कार्यक्रम अन्तरगत कृषि सामाग्री एवं अनुदान रकम वितरण गरेको हो । गाउँपालिकाको ८ वटा वडामा रहेको ४० वटा कृषि समुहहरुलाई भिमसेनथापा गाउँपालिकाका अध्यक्ष ईश्वर पाण्डेले कृषि सामाग्री एवं अनुदान रकम वितरण गर्नुभएको छ । जसमध्ये ५० प्रतिशत अनुदानमा हाते ट्याक्टर, ५० प्रतिशत अनुदानमा कोदो कुट्ने मेसिन,उत्कृष्ट कोदो खेती उत्पादन गर्नेलाई अनुदान र बाँदर धपाउने मेसिन वितरण गरिएको हो । कार्यक्रममा गाउँपालिकाका अध्यक्ष ईश्वर पाण्डेले पाएका अनुदान रकम तथा कृषि औजारलाई सहि सदुपयोग गर्न आग्रह गर्नुभको छ । साथै गाउँपालिकाले कृषि क्षेत्रलाई पनि विशेष महत्व दिदै आएको बताउनु भएको थियो । गाउँपालिकाले कृषकहरुको परिश्रमलाई गरेको सम्मान प्रति कृषकहरु पनि खुशि भएका छन् ।