धादिङमा पर्यटक बस पल्टियो/१ जनाको मृत्यु, १५ जना घाइते

धादिङ जेष्ठ १५
धादिङको थाक्रे गाउँ पालिका वडा नं. १ खयरघारीस्थित पृथ्वी लोकमार्गमा सवारी दुर्घटना भएको छ । बुधबार दिउँसो ३ः२० बजेको समयमा सुनौलीबाट काठमाण्डौ तर्फ जादै गरेको बा १ प १३६३ नम्बरको पर्यटक बस र काठमाण्डौबाट केरुङ तर्फ जादै गरेको ना ५ ख ८०६८ नम्बरको कन्टेनर एक आपसमा ठक्कर खाएका हुन् । दुबै सवारी साधनबीच ठक्कर खादा बस सडकबाट अन्दाजी २०० मिटर तल महेश खोलामा खसेको हो । दुर्घटनामा बसमा सवार १ जना पुरुषको घटनास्थलमै मृत्यु भएको छ । चालकसहित अन्दाजी १६ जना रहेको बसमा लमजुङका हरि न्यौपानेको मृत्यु भएको छ । मृतकलाई पोष्ट मार्टमको लागी प्राथमिक स्वास्थ्य केन्द्र गजुरीमा पठाईएको प्रहरीले जानकारी दिएको छ । दुर्घटनामा घाइते भएका मध्ये ८ जना गम्भिर घाईतेहरुलाई काठमाण्डौ रिफर गरिएको र बाकी ८ जना स्थानीय स्वास्थ्य संस्थामा सामान्य उपचार भइरहेको जिल्ला प्रहरी कार्यालयका प्रवक्ता प्रकाश विष्टले जानकारी दिनुभयो । घटनाको प्रहरीले थप अनुसन्धान गरिरहेको छ ।