नेपालमा कोरोना भाइरसको नयाँ प्रजाती भित्रियो

काठमाडौँ ०५ माघ
नेपालमा कोरोना भाइरस कोभिड–१९ को नयाँ प्रकार भित्रिएको पुष्टि भएको छ । पुसको पहिलो साता बेलायतबाट आएका तीन जनामा देखिएको संक्रमण नयाँ प्रकारको भाइरस भएको पाइएको हो । पुस पहिलो साता बेलायतबाट आएका ६ जनामा कोरोना संक्रमण भएको १३ पुसमा पुष्टि भएको थियो तर जिन सिक्वेन्सिङ नभएका कारण नयाँ प्रकार भए नभएको खुलेको थिएन । स्वास्थ्य तथा जनसंख्या मन्त्रालयका अनुसार २७ पुसमा उनीहरुको नमुना हङकङ प्रयोगशालामा पठाइएको थियो । त्यसमध्ये ३ जनामा देखिएको भाइरस नयाँ प्रकारको भएको पुष्टि भएको छ । २८ वर्षीया महिला, ३२ र ६७ वर्षीय पुरुषमा नयाँ प्रकारको भाइरस देखिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमद्धारा जारी प्रेस विज्ञप्तीमा भनिएको छ । उनीहरुमध्ये २८ वर्षीया महिला र ३२ वर्षीय पुरुष नेगेटिभ भइसकेका छन् भने ६७ वर्षीय पुरुष पोजेटिभ नै रहेता पनि कुनै लक्षण देखिएको छैन ।