ज्वालमुखी गाउँपालिका २ मैदी सातदोबाटोमा भएको भलिबल खेलमा खड्ग देवी युवा क्लब विजयी

धादिङ ०४ माघ
ज्वालामुखी गाउँपालिका २ मैदी सातदोबाटोमा भएको भलिबल खेलमा खड्ग देवी युवा क्लब विजय धादिङ ४ माघ धादिङको ज्वालामुखी गाउँपालिका २ मैदी स्थित सातदोवाटोमा भएको वडा स्तरीय पुरुष भलिबल प्रतियोगितामा खड्ग देवी युवा क्लब विजयी भएको छ । आईतबार भएको फाइनल खेलमा बुढीगण्डकी युवा क्लब द्धितीय र नवज्योती युवा क्लब तृतीय भएको खड्ग देवी युवा क्लबका अध्यक्ष रिजन श्रेष्ठले जानकारी दिनुभयो । प्रतियोगितामा क्रमशः प्रथम हुनेलाई रु.१२ हजार, द्धितीय हुनेलाई रु. १० हजार तृतीय हुनेलाई रु. ८ हजार नगद, सिल्ड मेडल र प्रमाण पत्र प्रदान गरिएको थियो । प्रतियोगितामा प्रथम भएको खड्ग देवी युवा क्लब ज्वालामुखीले मैदी रातमाटाको(बोनम्यारो) पिडित स्वास्थ्यकर्मी विमला यस्माली र ज्वालामुखी २ बिजयटारका (मृगौला) पिडितको उपचारको लागि ५० प्रतिशत सहयोग गर्ने घोषणा गरेको रिजन श्रेष्ठले बताउनु भयो । ८ वटा क्लवहरुको सहभागिता रहेको उक्त प्रतियोगितामा आईतबार खड्कदेवी युवा क्लव र सातदोबाटो युवा क्लव बीच सेमीफाईनल खेल भएको थियो भने दोस्रो सेमीफाइनल खेल बुढी गण्डकी युवा क्लव र नवज्योती युवा क्लवबीच भएको थियो भने खड्गदेवी युवा क्लब र बुढी गण्डकी युवा क्लब फाइनल प्रवेश गरेका थिए ।