मनमोहन मेमोरियल मेडिकल कलेज तथा शिक्षण अस्पतालको अध्यक्षमा गुम्दीका गणेश सिंखडाको उम्मेद्वारी

धादिङ २९ पौष
मनोमहन मेमोरीयल मेडिकल कलेज तथा शिक्षण अस्पतालको अध्यक्ष पदमा गंगाजमुना गाउँपालिका धादिङका गणेश सिंखडाले उम्मेद्वारी दर्ता गराएका छन् । नेपाल स्वास्थ्य सेवा सहकारी संस्था लिमिटेड, मनोमहन मेमोरीयल मेडिकल कलेज तथा शिक्षण अस्पतालको १५ औं साधारण सभामा गंगाजमुना गाउँपालिका ४ गुम्दीका गणेश सिंखडाले अध्यक्ष पदमा उम्मेदवारी दर्ता गराएका हुन् । नेपाल स्वास्थ्य सेवा सहकारी संस्था लिमिटेडको शेयर सदस्य मुरलीधर पोखरेलको प्रस्ताव र घनश्याम रिमालको समर्थनमा बुधबार उम्मेद्वारी दर्ता गराएका हुन् । नेपाल स्वास्थ्य सेवा सहकारी संस्था लिमिटेडद्धारा संचालित मनमोहन मेमोरियल मेडिकल कलेजले संबन्धन प्राप्त गरेको कुरालाई कार्यन्वयन गराउन र माथेमा आयोगलाई अक्षरस कार्यान्वयनको लागि सर्वोच्च अदालतमा मुद्दा दायर गर्ने तथा माग पुरा नभएमा चैत्र १ देखि माइतीघर मण्डलामा आमरण अनसन बस्ने गरी उम्मेद्वारी दर्ता गराइएको सिंखडाले बताउनु भयो । साथै शेयर धनीहरुलाई छुट्टै उपचारको डेस्क व्यवस्था गरी कार्यक्रममा ल्याउने र मनमोहन मेमोरियल मेडिकल कलेजको आर्थिक पारर्दशिता र सहकारी शुद्धृढीकरणमा लाग्ने उनीहरुले बताएका छन् ।