युवा रेडक्रस सर्कल नीलकण्ठ मावि धादिङको आयोजनामा ७० जनाले गरे रक्तदान

धादिङ २७ पौष
राष्ट्रिय एकता दिवसको अवसर पारी युवा रेडक्रस सर्कल नीलकण्ठ माध्यमिक विद्यालयको आयोजनामा बृहत खुल्ला रक्तदान कार्यक्रम सम्पन्न भएको छ । नेपाल रेडक्रस सोसाइटी रक्त सञ्चार सेवा केन्द्र धादिङको प्राबिधिक सहयोगमा भएको रक्तदान कार्यक्रममा ३९ जना महिला र ३१ जना पुरुष गरी ७० जनाले रक्तदान गरेका छन् । सोही कार्यक्रमको अवसर पारी नीलकण्ठ माध्यमिक विद्यालय परिसरमै रक्तदाता उत्प्रेरणा तथा जनचेतना कार्यक्रम समेत आयोजना गरिएको थियो । उक्त कार्यक्रमको आर्थिक सहयोग एभरेष्ट्र बैकले गरेको थियो । कोरोना सङ्क्रमणको कारण जारी लकडाउनले रक्तदान कार्यक्रमलाई बिचमा केही प्रभावित पारे पनि पछिल्लो समय नियमितजसो जिल्लामा रक्तदान कार्यक्रमको आयोजना गरिदै आएको छ । यस आर्थिक वर्षको ६ महिनामा ११ सय ९८ जनाले रक्तदान गरेका नेपाल रेडक्रस सोसाइटी धादिङका उपमन्त्री नारायण कुमार श्रेष्ठले बताउनु भयो । जसमध्ये २ सय ६२ जना महिला र ९३६ जना पुरुषले रक्तदान गरेका छन् । धादिङमा विभिन्न सहकारी, संघ संस्था, विद्यालय तथा मेला पर्वहरुमा अभियानकै रुपमा रक्तदानका कार्यक्रमहरु आयोजना हुदै आएका छन् ।