नेत्रावती डबजोङ गाउँपालिका स्थित लपाङखोलामा स्वराज गाडी दुर्घटना हुँदा दुईजना घाईते

धादिङ पुष २३
धादिङको नेत्रावती डबजोङ गाउँपालिका वडा नम्बर १ स्थित लपाङखोलामा स्वराज गाडी दुर्घटना भएको छ । खनियाबास गाउँपालिकाको किन्ताङफेदी बाट सदरमुकाम धादिङवेशी तर्फ आउँदै गरेको बा ३ ख ४१२८ नम्बरको स्वराज गाडी दुर्घटना भएको हो । दुर्घटनामा परि गम्भिर घाइते भएका सवारी चालक र सहचालकलाई उद्धार गरि जिल्ला अस्पताल धादिङमा उपचारको लागि ल्याउदै गरेको जिल्ला प्रहरी कार्यालय धादिङका एसपी महेन्द्र खड्काले रेडियो बिहानीलाई जानकारी दिनुभयो । उक्त गाडी कच्ची सडकबाट १५० मिटर तल खसेको छ ।