रेडियो धादिङले मनायो १४ औँ वार्षिक उत्सव

धादिङ पौष २१
समुदायको आवाजलाई बुलन्द गर्नुपर्नेमा सहभागिको जोड धादिङ जिल्लाकै पहिलो सामुदायिक रेडियो, रेडियो धादिङ १०६ मेगाहर्ज स्थापनाको १३ औं वर्ष पुरा गरि मंगलबारदेखी १४ औं वर्षमा प्रवेश गरेको छ । समुदायको लागि समुदायको आवाज भन्ने मुल नाराका साथ विविध जाति तथा समुदायको भाषा, कला र संस्कृतिको संरक्षणमा निरन्तर अगाडी बढिरहेको रेडियो धादिङ १४ औं वर्षमा प्रवेशको अवसरमा रेडियोको आफ्नै भवनमा मंगलबार चियापान कार्यक्रमको आयोजना गरि मनाएको हो । कार्यक्रममा सहभागिहरुले सामुदायिक रेडियो भएपछि बढि मात्रामा समुदायको आवाजलाई बुलन्द गर्नुपर्नेमा जोड दिएका थिए । साथै युवा लक्षित कार्यक्रमलाई पनि प्राथमिकता दिनुपर्ने धारणा राखेका थिए । ग्रामीण सञ्चार सहकारी संस्था लिमिटेडका अध्यक्ष गुरुप्रसाद बुर्लाकोटीको अध्यक्षतमा सम्पन्न भएको कार्यक्रममा नीलकण्ठ नगरपालिकाका उपमेयर मनराज भण्डारी लगाएत जनप्रतिनिधीहरुको सहभागिता रहेको थियो । ग्रामीण सञ्चार सहकारी संस्था लिमिटेडद्वारा सञ्चालित रेडियो धादिङ १०६ मेगाहर्जले २०६४ साल पौष २१ गते अर्थात आजकै दिनदेखी धादिङवेसीबाट आफ्नो नियमित प्रशारणको आरम्भ गरेको हो ।