अखिल नेपाल ट्रेड युनियन महासंघको अध्यक्षमा जगत सिंखडा सर्वसम्मत चयन

काठमाडौँ पौष २१
अखिल नेपाल ट्रेड युनियन महासंघको अध्यक्षमा बागमती प्रदेशसभा सदस्य समेत रहेका धादिङका जगत सिंखडा सर्वसम्मत रुपमा चयन हुनुभएको छ । प्रचण्ड(नेपाल पक्षीय नेपाल कम्युनिष्ट पार्टी (नेकपा) निकट अखिल नेपाल ट्रेड युनियन महासंघको काठमाडौंमा सोमबार सम्पन्न राष्ट्रिय भेला तथा प्रशिक्षण कार्यक्रमबाट सिंखडा सर्वसम्मत अध्यक्षमा चयन हुनुभएको हो । गत साता उहाँ ट्रेड युनियन महासंघहरुको साझा संगठन जेटियुसिसिको अध्यक्षमा चयन हुनुभएको थियो । धादिङबाट प्रत्यक्षतर्फबाट निर्वाचित प्रदेशसभा सदस्य समेत रहनुभएको सिंखडाले यसअघि कार्यवाहक अध्यक्षको रुपमा महासंघको नेतृत्व गर्दै आउनु भएको थियो ।