संसद विघटन विरुद्ध नेपाली काँग्रेस धादिङले गर्‍यो सल्यानटारमा विरोध प्रर्दशन

धादिङ १३ पुष
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले संसद विघटन गरेको विरोधमा नेपाली काँग्रेस धादिङले विभिन्न स्थानमा विरोध प्रदर्शन गरेको छ । सोमबार धादिङको गजुरी गाउँपालिका र त्रिपुरासुन्दरी गाउँपालिकाको सल्यानटारमा नेपाली काँग्रेसले संसद विघटन बिरुद्ध प्रदर्शन गरिएको नेपाली काँग्रेस धादिङका सभापति रमेश धमलाले बताउनु भयो ।
विरोध प्रदर्शन कार्यक्रममा काँग्रेस धादिङका सभापति रमेश धमला, दिलमान पाख्रिन, पुर्व सभापति रामनाथ अधिकारी, हरि अधिकारी, शिव सुवेदी लगायत नेताहरुको सहभागिता रहेको थियो । सोमबार सल्यानटारमा संसद विघटन बिरुद्ध गरिएको विरोध प्रदर्शन त्रिपुरासुन्दरी गाउँपालिकाको गेटमा पुगि कोणसभामा परिणत भएको थियो ।