धादिङमा सोमबार थप २ जनामा कोरोना संक्रमण पुष्टि, कुल संक्रमितको संख्या १ हजार ५ सय २४ पुग्यो

धादिङ १३ पुष
धादिङमा सोमबार थप २ जनामा कोरोना संक्रमण पुष्टि भएको छ । थप पुष्टि हुनेहरुमा थाक्रे गाउँपालिका वडा नम्बर २ का ३३ बर्षिय पुरुष र बेनिघाट रोराङ गाउँपालिका वडा नम्बर ५ की ३७ बर्षिया महिलामा कोरोना संक्रमण पुष्टि भएको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनुभयो । यो सँगै धादिङमा कुल कोरोना संक्रमितको संख्या १ हजार ५ सय २४ पुगेको छ । जसमध्ये १ हजार ४ सय ५४ जना निको भएर घर फर्किसकेका छन् ।