भिमसेनथापा २ बगुवा गोरखामा बगुवाखेत खानेपानी आयोजनाको शिलान्यास,सय घरधुरी लाभान्वित

गोरखा ०८ पौष
गोरखाको भिमसेनथापा गाउँपालिका वडा नम्बर २ स्थित बगुवाखेतमा बगुवाखेत खानेपानी आयोजनाको बुधबार एक कार्यक्रमका बिच शिलान्यास गरिएको छ । भिमसेनथापा गाउँपालिकाका अध्यक्ष ईश्वर पाण्डेले बगुवाखेत खानेपानी आयोजनाको बुधबार शिलान्यास गर्नुभएको भिमसेन थापा गाउँपालिका वडा नम्बर २ का वडा अध्यक्ष नारायण प्रसाद भट्राईले जानकारी दिनुभयो । गाउँपालिकाको रु. १ करोड २५ लाख लागतमा सम्पन्न गर्न लागिएको उक्त खानेपानी आयोजनाले १ सय घरधुरी लाभान्वित हुनेछन् । बुधबार शिलान्यास गरिएको बगुवाखेत खानेपानी आयोजना यहि वर्ष भित्र सम्पन्न गर्ने लक्ष्य राखिएको भट्राईले बताउनु भयो । बगुवाखेत खानेपानी आयोजना सरसफाई उपभोक्ता समितिका अध्यक्ष दिल बहादुर थापाको अध्यक्षता रहेको कार्यक्रममा भिमसेन थापा गाउँपालिकाका अध्यक्ष ईश्वर पाण्डेको प्रमुख आतिथ्यता रहेको थियो । त्यस्तै गाउँपालिकाका उपाध्यक्ष बिनु वाग्ले, प्रमुख प्रशासकीय अधिकृत कष्ण थापा लगायत वडा सदस्यहरुको सहभागिता रहेको थियो ।