खनियाँबास गाउँपालिकाको बोलेरो र मोटरसाइकल ठक्कर खाँदा २ जना घाईते

धादिङ ४ पुस
धादिङको नीलकण्ठ नगरपालिका वडा नम्बर २ ओलीडाँडामा सवारी दुर्घटना हुँदा २ जना घाईते भएका छन् । घाइते हुनेहरुमा मोटरसाइकल चालक नीलकण्ठ नगरपालिका वडा नम्बर १४ का २४ वर्षीय छन्न बहादुर सुनार र  सोही स्थानका ३० वर्षीय कृष्ण परियार रहेको जिल्ला प्रहरी कार्यालय धादिङले जनाएको छ । शनिबार धुँवाकोटबाट धादिङबेसी तर्फ आउँदै गरेको खनियाँबास गाउँपालिकाको बा २ झ ४१८१ नम्बरको बोलेरो गाडी र धादिङबेसीबाट धुँवाकोट तर्फ जाँदै गरेको बा ४३ प १७२५ नम्बरको मोटरसाइकल एक आपसमा ठक्कर खाँदा दुर्घटना भएको हो । घाईतेहरुको उपचारको लागि हेलिकप्टर मार्फत ग्राण्डी अस्पतालमा लगिएको छ ।