धादिङबेसीमा जनयुद्धका सहिद हरि तिमल्सिनाको १८ औँ स्मृति दिवस मनाइयो

धादिङ २९ मङ्सिर
तत्कालीन नेकपा माओवादीले सञ्चालन गरेको १० वर्षे जनयुद्धमा सहादत प्राप्त गरेका सिद्धलेक गाउँपालिका स्थित नलाङ बैरेनीका हरि प्रसाद तिमल्सिना(जनक) को १८ औं स्मृति दिवस आइतबार धादिङबेसीमा मनाइएको छ । जनतामा स्थापित नेताका रुपमा परिचित तिमल्सिनालाई धादिङको ज्यामरुङ्गमा तत्कालीन शाही सेनाले पेटीले झुण्ड्याएर २०६० साल मंसिर २८ गते गोली हानी हत्या गरेको थियो । तिमल्सिनाका पिता खडानन्द तिमल्सिना र माता तारादेवि तिमल्सिनाको कोखबाट वि. स. २००२ साल असार १४ गते बुधबारको दिन कान्छो छोरोको रुपमा जन्मिएका थिए । २०५८ मा पुणर्कालीन राजनीतिमा प्रवेश गर्नु भएको हरी किसान संघ क्रान्किारीको जिल्ला उपाध्यक्ष हुनुहुन्थ्यो । शहिद हरि तिमल्सिनाको जीवन संगिनी विष्णुमाया तिमल्सिनाको अध्यक्षतामा भएको कार्यक्रममा जनक्रान्तिका शहिद तथा बेपत्ता परिवार समाज धादिङका अध्यक्ष राम बहादुर भण्डारीको प्रमुख आतिथ्यता रहेको थियो । कार्यक्रममा नेकपा धादिङका नेता कार्यकर्ताको बाक्लो उपस्थिति रहेको थियो ।