धार्के धादिङमा ७१ जनाले गरे रक्तदान

धादिङ २८ मङ्सिर
धादिङको धुनीबेशी नगरपालिका तरकारी बजार ६ धार्केमा वृहत खुल्ला रक्तदान कार्यक्रम सम्पन्न भएको छ । आईतबार सम्पन्न भएको वृहत खुल्ला रक्तदान कार्यक्रममा ६५ जना पुरुष र ६ जना महिला गरी ७१ जनाले रक्तदान गरेको नेपाल रेडक्रस सोसाईटी धादिङ शाखाका उपमन्त्री नारायण कुमार श्रेष्ठले जानकारी दिनुभयो । नेपाल रेडक्रस सोसाईटी धुनीबेशी उपशाखा धादिङको आयोजना र नेपाल रेडक्रस सोसाईटी रक्त संचार सेवा केन्द्र धादिङको प्राविधिक सहयोगमा रक्तदान कार्यक्रमको आयोजना गरिएको हो । पछिल्लो समयमा भएको रगतको अभावलाई समाधान गर्ने उद्धेश्यले नेपाल रेडक्रस सोसाईटी रक्त संचार सेवा केन्द्र धादिङले विभिन्न मेला, महोत्सवमा वृहत खुल्ला रक्तदान कार्यक्रम गर्दै आएको छ ।