धादिङमा कोरोना : मङ्गलबार थपिए ६ जना, जम्मा सङ्क्रमित १ हजार ४ सय ६६

धादिङ २३ मङ्सिर
धादिङमा मङ्गलबार थप ६ जनामा कोरोना संक्रमण पुष्टी भएको छ । थप पुष्टी हुनेहरुमा बेनिघाट रोराङ गाउँपालिका वडा नम्बर ७ का ४० वर्षीय पुरुष, ३७, ३७ वर्षीय महिला, वडा नम्बर ९ का ५२ वर्षीय पुरुष, सिद्धलेक गाउँपालिका वडा नम्बर ५ का ३५ वर्षीय पुरुष र धुनीबेशी नगरपालिका वडा नम्बर ६ का २८ वर्षीय पुरुष रहेकोे स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनुभयो । यो सँगै धादिङमा कुल कोरोना संक्रमितको संख्या १ हजार ४ सय ६६ पुगेको छ , भने १३ सय १ जना निको भएर घर फर्किसकेका छन् ।