बिहिबार धादिङका १० जनामा कोरोना पुष्टी, कुल सङ्क्रमितको संख्या १ हजार ४ सय ३६ पुग्यो

धादिङ, १८ मङसिर
धादिङमा बिहिबार १० जना कोरोना सङ्क्रमित थपिएका छन् । थप पुष्टी हुनेहरुमा धुनीवेसी नगरपालिका वडा नम्बर २ का ३२ वर्षीय पुरुष, गल्छी गाउँपालिका वडा नम्बर २ का ३८ वर्षीय पुरुष, ३२ वर्षीय महिला, वडा नम्बर ४ का ६ महिनाका बालिका, वडा नम्बर ५ का १९ वर्षीय पुरुष, वडा नम्बर ६ का ३१ वर्षीय पुरुष र ३१ वर्षीय महिला, सिद्धलेक गाउँपालिका वडा नम्बर २ का ४८ वर्षीय पुरुष र वडा नम्बर ७ का ३२ वर्षीय पुरुष, गजुरी गाउँपालिका वडा नम्बर १ का ३४ वर्षीय पुरुष रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । योसंगै धादिङमा कोरोना सङ्क्रमितको संख्या १ हजार ४ सय ३६ पुगेको छ भने १२ सय ८४ जना निको भएर घर फर्किसकेका छन् । यस्तै कोरोनाका कारण १६ जनाको मृत्यु भैसकेको छ ।