मङ्गलबार धादिङका १३ जनामा कोरोना पुष्टी, कुल सङ्क्रमितको संख्या १ हजार ४ सय २१ पुग्यो

धादिङ, १६ मङसिर
धादिङमा मङ्गलबार १३ जना कोरोना सङ्क्रमित थपिएका छन् । थप पुष्टी हुनेहरुमा बेनिघाट रोराङ गाउँपालिका वडा नम्बर ५ का २९ र ४२ वर्षीय, वडा नम्बर ९ का ३२, ३८ र ५४ वर्षीय पुरुष र २२, ३५ र ३७ वर्षीय महिला, धुनीबेशी नगरपालिका वडा नम्बर ५ का २१ वर्षीय पुरुष, थाक्रे गाउँपालिका वडा नम्बर ६ का ३८ वर्षीय पुरुष, गल्छी गाउँपालिका वडा नम्बर ७ का ३४ वर्षीय पुरुष, त्रिपुरासुन्दरी गाउँपालिका वडा नम्बर १ की ४९ वर्षीय महिला र गंगाजमुना गाउँपालिका वडा नम्बर ५ की ८७ वर्षीय महिला रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । योसंगै धादिङमा कोरोना सङ्क्रमितको संख्या १ हजार ४ सय २१ पुगेको छ भने १२ सय ७७ जना निको भएर घर फर्किसकेका छन् । यस्तै कोरोनाका कारण १६ जनाको मृत्यु भैसकेको छ ।