संस्कृत मावि तान्द्राङ गोरखामा भूकम्प मापक यन्त्र सिस्टोमिटर जडान

कृष्ण बहादुर लामिछाने

गोरखा १६ मङ्सिर
भूकम्पीय जोखिम न्यूनीकरण्का साथै विद्यार्थीहरुलाई भूकम्पीय शिक्षा प्रदान गर्ने उद्देश्यले सोमबार गोरखाको भिमसेनथापा गाउँपालिका वडा नं. ३ तान्द्राङमा रहेको संस्कृत माध्यमिक विद्यालयमा भुकम्प मापक यन्त्र सिस्मोेमिटर जडान गरिएको छ । नेपाल भुकम्पको जोखिमयुक्त क्षेत्र रहेको र २०७२ सालमा गोरखाको बापार्कलाई केन्द्र विन्दु बनाई भुकम्प गएको सन्दर्भमा स्वीजरल्याण्डको युनिभर्सिटी अफ लुजानको आर्थिक सहयोग र पर्वत जिल्ला निवासी युवा बैज्ञानिक डा. शिव सुवेदीको पहल र प्राविधिक सहयोगमा संस्कृत माध्यमिक विद्यालय तान्द्राङमा भूकम्प मापक यन्त्र सिस्मोेमिटर जडान गरिएको हो । सिस्मोमिटर जडान कार्यत्रममा सम्बोधन गर्दै डा.शिव सुवेदीले भूकम्पका साना तथा ठुला तरङ्ग र त्यसको केन्द्र विन्दुलाई मापन गर्न, भुकम्पीय तथ्याङक मार्फत जोखिमयुक्त क्षेत्रको नक्साङ्कन गरी विद्यालयमार्फत भूकम्प शिक्षा प्रदान गरी भुकम्पीय जोखिम न्यूनीकरण गर्न विद्यालयमा भूकम्प मापक यन्त्र जडान गरिएको बताउनु भयो । कार्यक्रममा विद्यालय व्यवस्थापन समितिका अध्यक्ष कृष्ण बहादुर लामिछाने, पदाधिकारी तथा सदस्यहरु, प्रधानाध्यापक श्याम प्रसाद लामिछाने, शिक्षक, कर्मचारी, विद्यार्थी तथा अभिभावकहरुको उपस्थिति रहेको थियो ।