शनिबार धादिङका ४ जनामा कोरोना पुष्टी, कुल सङ्क्रमितको संख्या १ हजार ३ सय ८७ पुग्यो

धादिङ १३ मङ्सिर
धादिङमा शनिबार ४ जना कोरोना सङ्क्रमित थपिएका छन् । थप पुष्टी हुनेहरुमा नीलकण्ठ नगरपालिका वडा नम्बर ४ का २८ वर्षीय पुरुष र खनियाँवास गाउँपालिका वडा नम्बर ३ का २८ वर्षीय पुरुष, ३७ र ६८ वर्षीय महिला रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । योसंगै धादिङमा कोरोना सङ्क्रमितको संख्या १ हजार ३ सय ८७ पुगेको छ भने १२ सय २२ जना निको भएर घर फर्किसकेका छन् । यस्तै कोरोनाका कारण १६ जनाको मृत्यु भैसकेको छ ।