७ किलोे एक सय ग्राम गाँजा सहित धादिङ गजुरीबाट दुईजना पक्राउ

धादिङ ८ मंसिर
पृथ्वीराजमार्ग अन्तर्गत धादिङको गजुरी गाउँपालिका वडा नम्बर १ स्थित गजुरी बजारबाट सोमबार ७ किलो एक सय ग्राम गाँजा सहित दुई जना पक्राउ परेका छन् । पक्राउ पर्नेमा धादिङको नीलकण्ठ नगरपालिका वडा नम्बर ६ सुनौला बजारका २२ वर्षीय दिलिप दाहाल र सोही ठाउँका २० वर्षीय राजन परियार रहेको जिल्ला प्रहरी कार्यालय धादिङका प्रहरी नायव उपरीक्षक लोकनाथ तिमल्सीनाले जानकारी दिनु भयो । गल्छीबाट मुग्लिङ तर्फ जाँदै गरेको ग १५ प ३३५० नम्बरको स्कुटरलाई रोकी चेकजाँच गर्ने क्रममा लुकाई छिपाई राखेको अवस्थामा उक्त लागूऔषध गाँजा फेला परेको तिमल्सीनाले बताउनु भयो ।