लापा धादिङमा काङ्ग्रेस, राप्रपा परित्याग गरी ४७ जना नेकपा प्रवेश

धादिङ ०७ मङ्सिर
धादिङको लापामा नेपाली काङ्ग्रेस तथा राप्रपा परित्याग गरी ४७ जना स्थानीय नेता तथा कार्यकर्ता नेकपा प्रवेश गरेका छन् । नवप्रवेशीहरुलाई अबिर र खादा लगाइ स्वागत गरिएको सुसन तामाङले जानकारी दिनुभयो । यस्तै आइतबार नेपाल कम्युनिष्ट पार्टी(नेकपा) रुविभ्याली गाउँपालिका वडा नं. ५ लापाको वडा कमिटीको सपथ ग्रहण कार्यक्रम सम्पन्न भएको छ । २९ सदस्यीय वडा कमिटीको अध्यक्षमा म्ल्ङगे तामाङ र सचिवमा चित्र घले रहनुभएको छ । नेकपा बागमती प्रदेश कमिटीका सचिवालय सदस्य एवं नेकपा धादिङका नेता राम बहादुर भण्डारीको प्रमुख आतिथ्यतामा भएको सपथ ग्रहण कार्यक्रममा नेकपा धादिङका नेताहरु रामसिं तामाङ, मिम्बा तामाङ, जीवन तामाङ, पुरन तामाङ, प्रेम तामाङ, बिमल तामाङ लगायतको आतिथ्यता रहेको थियो ।