धादिङको खानीखोलामा सवारी दुर्घटना हुँदा ६ वर्षीय बालकको ज्यान गयो, राजमार्ग अबरुद्ध

धादिङ ०३ मङ्सिर
त्रिभुवन राजपथ अन्तर्गत धादिङको धुनिवेसी नगरपालिका वडा नम्बर ८ स्थित खानीखोलामा बुधबार सवारी दुर्घटना हुँदा एक जनाको घटना स्थलमै मृत्यु भएको छ । मृत्यु हुनेमा धुनिबेसी नगरपालिका वडा नम्बर ७ का ६ वर्षीय रितेश तामाङ रहेका छन् । बुधबार काठमाडौँबाट हेटौडातर्फ जाँदै गरेको ना ६ ख ४९४७ नम्बरको ट्रकले तामाङलाई ठक्कर दिदा घटनास्थलमै मृत्यु भएको इलाका प्रहरी कार्यालय खानीखोलाका प्रहरी इन्चार्ज रुपा थापाले जानकारी दिनु भयो । बालकलाई ठक्कर दिने ट्रक र चालक मकवनपुरका ३८ वर्षीय उमेश मैनालीलाई खानीखोला प्रहरीले नियन्त्रणमा लिएको छ । बालकको मृत्युपछि स्थानीय नागरिकहरुले राजमार्ग दुबैतर्फी बन्द गर्दै नारा जुलुस लगाएका छन् ।

तस्विर साभार:नागरिकपाटी डटकम