पुष ९ देखि धादिङमा प्रथम मेयर कप जिल्ला स्तरीय खुल्ला व्याडमिन्टन प्रतियोगिता हुँदै

धादिङ २९ कार्तिक
धादिङमा पुष ९ गतेदेखि जिल्लास्तरीय खुल्ला ब्याडमिन्टन प्रतियोगिता प्रथम मेयर कप २०७७ हुने भएको छ । धादिङ जिल्ला ब्याडमिन्टन संघले धादिङबेशी स्थित कर्भडहलमा पुष ९ गतेदेखि ११ गतेसम्म उक्त प्रतियोगिताको आयोजना गर्न लागेको हो । प्रतियोगितामा जिल्ला स्तरीय पुरुष एकल, पुरुष युगल, महिला एकल, १९ वर्ष मुनिका केटा एकल, भेट्रान्स ४५ पुरुष एकल, नगरपालिका अन्तर्गत पुरुष युगल बी, अफिसर्स टीम पुरुष युगल गरी ७ वटा विधामा खेल आयोजना गर्न लागिएको धादिङ जिल्ला ब्याडमिन्टन संघले जनाएको छ । यस्तै प्रतियोगितामा सहभागी हुन चाहने खेलाडीहरुले पुष ७ गते भित्रमा नाम दर्ता गर्न समेत संघले आग्रह गरेको छ । नाम दर्ता गराउनको लागि १९ वर्ष मुनिका पुरुष एकलका लागि दर्ता शुल्क ५ सय र अन्यको लागि १ हजार लाग्ने आयोजकले जनाएको छ ।