बुधबार ४ जना थपिएसँगै धादिङमा कोरोना सङ्क्रमितको सङ्ख्या १ हजार २ सय ५६ पुग्यो

धादिङ २६ कार्तिक
धादिङमा बुधबार ४ जना कोरोना सङ्क्रमित थपिएका छन् । थप पुष्टी हुनेहरुमा नीलकण्ठ नगरपालिका वडा नम्बर २ का १९ वर्षीय महिला, वडा नम्बर ६ का ३७ वर्षीय पुरुष, बेनिघाट रोराङ गाउँपालिका वडा नम्बर ९ का ६५ वर्षीय महिला र खनियाबास गाउँपालिका वडा नम्बर ३ का २१ वर्षीय पुरुष रहेको स्वास्थ्य कार्यालय धादिङका जनस्वास्थ्य अधिकृत जेसिका थापाले जानकारी दिनु भयो । योसँगै धादिङमा कुल कोरोना सङ्क्रमितको सङ्ख्या १ हजार २ सय ५६ जना पुगेको छ । जसमध्ये १ हजार ५७ जना निको भएर घर फर्किएका छन् । यस्तै कोरोनाका कारण १४ जनाको मृत्यु भैसकेको छ ।